líf tilvitnanir

Það er óhjákvæmilegt að verða fyrir sorg ef maður er á lífi.

Í lífinu er aðeins eitt sem er þess virði að eignast hvað sem það kostar og það er kærleikurinn, óendanlegur kærleikur, dýpri en hafið og hærri en himininn - þetta er hinn mikli ávinningur lífsins. Sæll er sá sem öðlast hann.

Eitt er það orð sem losar okkur undan öllum þunga og sársauka lífsins. Þetta orð er ást.

Í væri ekki annað líf að loknu þessu labbaði ég í sjóinn strax í dag.

Dýrð lífsins er að elska, ekki að vera elskuð, að þjóna, ekki að láta þjóna okkur. Að vera öðrum styrk hönd í myrkri þegar neyðin kallar, vera náunganum stoð og stytta þegar kjarkurinn bilar, það er að þekkja dýrð lífsins.

Ástin gerir sætt það sem beiskt er; breytir auvirðilegum kopar í skíra gull. Ástin hreinsar dreggjar; sefar þjáningu, græðir sár. Ástin vekur dauða til lífs og gerir konung að þræli.

Að ógleymdri ástinni er hugrekki stærsta gjöfin. Við höfum öll tapað, margoft - en ef við kunnum að tapa, lærum af því og reynum aðra leið - þá verður okkur vel ágengt.

Lífið er stutt og við höfum ekki of mikinn tíma til að gleðja hjörtu þeirra sem ferðast með okkur í myrkrinu. Vertu fljótur til að elska! Flýttu þér að sýna góðmennsku.

Lækningin á öllum meinum og rangindum, áhyggjum, angri og illvirkjum mannkyns, felst í þessu eina orði ,,Ást." Það er hið guðlega afl sem skapar lífið og endurvekur það. Það gefur hverju og einu okkar hæfileikann til að gera kraftaverk, ef við bara viljum.

Lærðu af fortíðinni svo þú komir ekki að leiðarlokum í lífinu og sjáir þá að þú hefur ekki lifað. Því marga hendir er þeir hverfa héðan að líta um öxl og sjá gleðina og fegurðina sem gat ekki orðið þeirra því þeir lifðu í ótta.

Lífið er engum auðvelt. En hvað um það? Við verðum að sýna þolgæði og umfram allt, að hafa trú á sjálfum okkur. Við verðum að trúa því að okkur sé ætlað eitthvað sérstakt og að við verðum að kasta öllu til að ná því.

Það er einn af góðum kostum lífsins að sá sem hjálpar öðrum af heilum hug hjálpar sjálfum sér.

Þú ert allt sem er, hugsanir þínar, líf þitt, draumar þínir sem hafa ræst. Þú ert allt sem þú kýst að vera. Þér eru engin takmörk sett, ekki frekar en ómælisvíddum alheimsins.