Örn Arnarson - Tilvitnanir

Hrekkvís kyndir heiftarbál Hræsnin veður elginn. Aulabárði er alltaf mál orð að leggja í belginn.

Þegar óhapp einfeldnings
auð hins ríka skerðir,
reka hann til réttarþings
reiðir lagaverðir.

Siðavendni sanntrúuð
sök í dóm lét stefna,
vildi – til að gleðja guð -
greypilega hefna.

Lagastaðinn lögvís fann:
Létt er úr máli að skera.
Í drottins nafni að drepa hann
dæmist rétt að vera.

Þegar böðull hálsinn hjó,
heigull augun þerrði,
illgjarn glotti, heimskur hló,
hræsni krossmark gerði.