Agi, hæfilegur ægi, er nauðsynlegur, agi sem temur án þess að kúga, sem beinir orkunni braut án þess að stöðva hana. Kraftarnir þurfa viðnám til þess að breytast í frjóa orku, líkt og beisla verður villiorku vatnsins, til þess að hún verði að vermandi ljósi. Frelsi og agi verða að haldast í hendur, frelsið til að veita möguleikana, aginn til að gera eitthvað úr þeim. Frelsið eitt elur formleysi, þ.e. menningarleysi, og aginn einn lamar og deyðir. Sameinað skapar það lifandi menningu.