Munurinn á orðatiltæki og málshætti?

Orðatiltæki er hugtak sem er haft um fast orðasamband (til dæmis „að taka af skarið“) eða orðtak (til dæmis „vera einn um hituna“), einnig fastar líkingar (til dæmis „fara eins og logi yfir akur“) og kunn orðasambönd (til dæmis „fögur er hlíðin“).
Undir orðatiltæki flokkast meðal annars orðtök, talshættir, fastar líkingar og fleyg orð. Orðatiltæki er víðara hugtak en málsháttur. 

Ekki skal rugla orðatiltækjum saman við málshætti, sem eru fullmótuð setning, innihalda lífsspeki eða lífsviðhorf en eru settir fram í einni málsgrein (til dæmis „Af illum er ills von.“ eða Margur verður af aurum api.).  
Málshættir geyma oft siðareglur eða varnaðarorð (dæmi: Oft ilmar eitruð rót). Málshátturinn getur staðið einn og skilst án samhengis

Dæmi um orðatiltæki:

Renna blint í sjóinn

draga e-ð í dilka

Að eiga í vök að verjast

Hér má lesa fleiri orðatiltæki.